OOS-KAAP. – ‘n Man (43) is gearresteer, omdat hy glo by die moord op sy bejaarde ma (73) in ‘n huis in die Zwide-woonbuurt in Hofmeyr betrokke was.
Kapt. Namhla Mdleleni sê die polisie is Sondagoggend omstreeks 10:00 na ‘n moordklag ontbied. Op die misdaadtoneel is Nolungephi Stuurman leweloos aangetref. Speurders het leidrade opgevolg en die oorledene se seun Maandag in hegtenis geneem.
Die verdagte sal vandag op aanklag van moord in die Hofmeyr-landdroshof verskyn.
Het jy kommentaar oor die berig? Jy kan nou aan Nuusflits lesersbriewe skryf en dalk word joune gepubliseer. Rig jou brief aan die redakteur by [email protected]
