Lees ook: Vlugopnemer gevind na American Airlines-vliegtuig en Black Hawk-helikopter bots
PHILADELPHIA, VSA. – Sewe mense is dood en minstens 19 mense is gewond na ’n lugambulans Vrydagaand kort na opstyging in ’n woonbuurt geval het. Vyf mense ontvang steeds behandeling in ‘n hospitaal na die ongeluk.
Die ses mense op die vlug was ’n meisie en haar ma wat op pad was terug na Mexico ná die kind mediese behandeling in Philadelphia ontvang het, ’n dokter, paramedikus en twee vlieëniers.
Al ses passasiers was van Mexico. Die sewende oorledene was op die grond. Sowat ses huise het na die ongeluk aan die brand geraak.
Beamptes het bevestig dat die vlugopnemer reeds gevind is en ondersoeke na die oorsaak van die ongeluk is aan die gang.
Bronne: CNN, The Independent, Washington Times
Lees ook: Vlugopnemer gevind na American Airlines-vliegtuig en Black Hawk-helikopter bots
