Die voormalige Blitsbok en Sharks-vleuel, Werner Kok (31) gaan aan die einde van die jaar by die Ulsters in Ierland aansluit. Hulle het ’n tweejaar-kontrak met hom gesluit.
Hy speel sedert 2019 vir die Sharks. Kok het altesaam 55 wedstryde vir hulle gespeel en 14 drieë gedruk.
Volgens Kok is hy opgewonde om deel van die Ulsters te word. Hy en sy vrou gaan na Belfast verhuis.
Die Ulsters en die Sharks gaan op 23 Maart teen mekaar in Durban te staan kom.
Kok is die derde speler saam met Rohan Janse van Rensburg en Le Roux Roets wat die afgelope ruk aangekondig het hulle gaan die Sharks verlaat.
Bronne: Supersport, SA Rugby Magazine
