OOS-KAAP. – ‘n Skietinsident in Khalendulastraat in Motherwell het Dinsdag omstreeks 18:30 die lewens van drie mans en ‘n tienermeisie geëis.
Lt. kol. Siphokazi Mawisa sê volgens inligting het drie mans die huis binnegegaan en die inwoner geskiet. Tydens die skietery is drie mans, tussen 20 en 25 jaar, en ‘n 16-jarige tienermeisie dood. ‘n 24-jarige het ‘n skietwond opgedoen en is vir mediese behandeling na ‘n hospitaal geneem. Die motief vir die insident word ondersoek.
Mawisa bevestig vier sake van moord en een van poging tot moord is geregistreer en word deur die provinsiale eenheid vir ernstige en geweldsmisdaadondersoeke hanteer.
Enigiemand met relevante inligting word versoek om speur. sers. Nigel Wright by 082 921 2312 te bel.
