Die departement van onderwys het die amptelike skoolkalender vir 2026 bekend gemaak. Volgens die kalender sal openbare skole in totaal 200 skooldae hê, wat van 14 Januarie tot 9 Desember 2026 sal strek.
Die eerste kwartaal duur van 14 Januarie tot 27 Maart, gevolg deur die tweede kwartaal van 8 April tot 26 Junie, die derde van 21 Julie tot 23 September, en die vierde van 6 Oktober tot 9 Desember. Daar is 14 openbare vakansiedae in 2026, waarvan verskeie met skool- en naweekdae saamval – wat vir langer naweke sal sorg. Dit sluit onder meer in:
- Goeie Vrydag (3 April) en Gesinsdag (6 April) wat saamval met die Paasnaweek;
- Vryheidsdag (27 April) wat op ’n Maandag val;
- Jeugdag (16 Junie) op ’n Dinsdag;
- Vrouedag (9 Augustus) wat op ’n Sondag val, met 10 Augustus as ’n addisionele openbare vakansiedag;
- Erfenisdag (24 September) wat op ’n Donderdag val; en
- Kersfees (25 Desember) en Welwillendheidsdag (26 Desember) wat die jaar met ’n verlengde langnaweek afsluit.
Vier openbare vakansiedae van in skooltyd. Hierdie kalender bied aan gesinne verskeie geleenthede vir verlengde rusperiodes en reis, veral rondom Paasfees, die middel van die jaar en Desember.
