GAUTENG. – Die liggaam van ‘n man met ‘n skietwond is Woensdagoggend vroeg in die Zamimpilo informele nedersetting gekry. Die polisie ondersoek ‘n saak van moord. Die slagoffer is vermoedelik Dinsdag in kruisvuur tydens ‘n skietgeveg tussen die polisie en verdagtes dood.
Lt.kol. Mavela Masondo, provinsiale polisiewoordvoerder, sê volgens inligting het polisiebeamptes ‘n roetinepatrollie gery toe hulle op ‘n Toyota-bakkie met drie insittendes afgekom wat verdag voorgekom het. Die polisie het probeer om die voertuig te stop, maar die bestuurder het weggery. Hy sê die verdagte voertuig is agtervolg, waarna op die polisie geskiet is. Die polisie het teruggeskiet. Geen beserings is in daardie stadium gerapporteer nie.
Die polisie soek steeds na die verdagtes. Die ondersoek na die moord duur voort.
Het jy kommentaar oor die berig? Jy kan nou aan Nuusflits lesersbriewe skryf en dalk word joune gepubliseer. Rig jou brief aan die redakteur by [email protected]
