MALEISIЁ. – Die soektog na die wrak van die vermiste MH370-vliegtuig wat in 2014 verdwyn het, word op 30 Desember voortgesit.
Lees ook: Nuwe soektog vir vermiste vlug MH370 goedgekeur
Die nuwe soektog, wat 55 dae sal duur, het in Maart begin, maar is kort daarna opgeskort weens slegte weersomstandighede.
Die Maleisiese vervoerminister het gesê die nuwe soektog “beklemtoon Maleisië se toewyding om vrede te bring aan die families wat deur die tragedie geraak is”.
Maleisië-lugredery vlug MH370 het in Maart 2014 kontak met lugbeheer verloor minder as ‘n uur nadat dit opgestyg het en die radar het gewys dit het wegbeweeg van die oorspronklike vlugroete. Die vlug was op pad van Kuala Lumpur na Beijing met 227 passasiers en 12 bemanningslede.
Ondersoekers het gesê die oorsaak van die ongeluk sal slegs bekend wees as die wrak gevind word.
Bronne: BBC, eNCA, The Independent
