Waarskuwing! Die beeldmateriaal kan sommige lesers ontstel.
GAUTENG. – Mokete Shaun Mogaila (29), ‘n sokkerspeler van Sekhukhune United, het op aanklagte van strafbare manslag in die Tembisa-landdroshof verskyn nadat Gomolemo Mavimbela (9) Woensdagoggend in ‘n ongeluk gesterf het. Mogaila is op borg van R20 000 vrygelaat.
Phindi Mjonondwane, woordvoerder vir die NVG, sê: “Volgens die staat het Mogaila se voertuig in die aankomende baan in Andrew Maphetoweg in Tembisa gery en teen ‘n motor gebots wat ‘n vrou en twee kinders vervoer het.”
Die 9-jarige is in die ongeluk dood, terwyl haar ma en 13-jarige broer ernstig beseer is.
“Owerhede het rapporteer alkoholbottels en vermoedelik dwelms is in Mogaila se voertuig gevind.”
Mjonondwane sê Mogaila, wat deur aanklagte van roekelose bestuur en strafbare manslag in die gesig gestaar word, het eers van die toneel gevlug, maar het homself later aan owerhede oorgegee.
Die ondersoek duur voort. Die saak is tot 4 Februarie 2025 uitgestel.
Foto: Shaun Mogaila Facebook
