SOMERSET-WES, WES-KAAP. – Die Somerset Mall langs die N2-snelweg het Sondag om 10:30 tydelik hulle deure gesluit. Dit volg na ’n vlak 9-waarskuwing van oorstromings en stormweer wat deur die Suid-Afrikaanse weerdiens uitgereik is.
Volgens hulle is die besluit om die sentrum tydelik te sluit geneem weens die risiko’s verbonde aan die sterk wind en erge weer wat in die area ervaar is. Hulle het dit duidelik gemaak dat hulle klante en werknemers se veiligheid hulle eerste prioriteit is.
Die situasie word gemonitor en die publiek sal ingelig word wanneer hulle weer sal oopmaak.
Bronne: Somerset Mall, Facebook
