Lees ook: R100 miljoen van Powerball-boerpot is gewen
MPUMALANGA. – Sowat 50 Putco-busse is vanoggend by verskillende depots aan die brand gesteek, terwyl twee van die maatskappy se werkers beseer is.
Volgens die Putco-woordvoerder, Lindokuhle Xulu, het ’n groep onbekende verdagtes die veiligheidspersoneel by die Moloto-depot oorval, die busse aan die brand gesteek en in die depot begin skiet. Twee van die maatskappy se werkers is beseer.
Die depots by Wolwekraal, Siyabuswa en Vaalbank is ook aangeval.
Volgens eNCA is die busse moontlik met petrolbomme aan die brand gesteek. Die polisie is besig om die voorvalle te ondersoek.
Bronne: eNCA, Jacaranda FM, IOL
