GAUTENG. – Die Nasionale Verbruikerskommissie waarsku ouers en versorgers wat Nestlé NAN Special Pro HA Infant Formula 800 g, vervaardig in Junie 2025, in hul besit het, om die gebruik daarvan onmiddellik te staak.
Luidens ‘n verklaring van die kommissie is dit ’n produkveiligheidsherroeping weens die teenwoordigheid van cereulide, ’n toksien wat deur Bacillus cereus geproduseer word en ’n voedselveiligheidsrisiko inhou. Die formule is spesifiek bedoel vir babas wat allergies is vir koeimelkproteïen.
