OOS-KAAP. – ‘n Stasiebevelvoerder, verbonde aan ‘n polisiestasie in die NMB-distrik, is Vrydagmiddag omstreeks 16:00 in sy oprit geskiet en gewond. Hy is daarna beroof.
Kol. Priscilla Naidu sê die luitenant-kolonel en sy vrou het by hul huis se oprit in NU7 in Motherwell ingedraai. ‘n Wit Suzuki ook in die oprit ingery toe die offisier se vrou uitklim om die hek van die erf oop te maak. ‘n Verdagte het uit die Suzuki gespring en die offisier se dienswapen geëis. Die offisier is in sy arm geskiet. Die verdagte het met twee selfone van die toneel gevlug.
Naidu sê die offisier is in ‘n stabiele toestand in die hospitaal.
‘n Saak van poging tot moord en roof word ondersoek.
