Volgens ’n verslag deur PwC het Steinhoff verskeie metodes gebruik om die boeke te laat balanseer.
Lees ook: Voormalige Steinhoff-hoof van finansies van Steinhoff weer in hof
Een metode wat glo gebruik is, is om R6.4 mjd. inkomste te eis vir ’n verkoop wat nooit plaasgevind het nie, sonder om die bedrag te kanselleer.
In 2013 het die Steinhoff-groepentiteit, JDG Trading, besluit om JDCF, wat lenings aan kliënte gebied het wat by die JD Groep-winkels koop, te verkoop.
’n Besluit is in Januarie 2014 geneem om JDCF aan RCS Cards te verkoop, ’n besluit wat deur die Mededingingskommissie in Mei 2015 goedgekeur is. Die verkoop is in September gekanselleer, maar Steinhoff Europe het steeds inkomste van R6.4 mjd. vir die verkoop geëis.
Markus Jooste het glo vir Dirk Schreiber, Steinhoff se voormalige Europese finansiële hoof, in ‘n e-pos beveel om die boeke aan te pas deur te sê: “Ons het besluit om JD se boeke te benadeel sodat dit goed lyk vir beleggers dat die risiko weg is, die betrokke bedrag is R3.6 miljard en jy kan dink dit maak Deloitte baie gelukkig”.
Jooste het ook gesê hy sal die JDCF-boek terugkoop vir R6.7 mjd. en dan die R1.850 mjd. in Oktober verhaal wanneer hulle betaal, maar nie kan voorsien daarvoor volgens IFRS nie.
Hy het gesê die “net effect sal wees dat ons die debiteureboek vir die jaar afgeskryf het, maar steeds ons groepteiken bereik het”.
Schreiber was ongelukkig met Jooste se plan en het gesê “… ek het genoeg probleme om op te los”.
Bronne: IOL, Ghanamma, AmaBhungane
Lees ook: Voormalige Steinhoff-hoof van finansies van Steinhoff weer in hof
