LOUISANA, VSA. – ’n Swanger tiener wat Sondag in ’n padwoedevoorval geskiet is, se kind is deur ‘n keisersnee gebore terwyl sy aan die lewe gehou is.
Lees ook: Adriana Smith se baba steeds in hospitaal
Katelynn Strate (17) was ’n passasier in ’n SUV toe sy deur ’n ander bestuurder met ’n bakkie in ’n padwoedevoorval in die kop geskiet is. Sy was sewe maande swanger. Strate is na ‘n hospitaal geneem en met masjiene aan die lewe gehou. Haar baba is deur ’n noodkeisersnit gebore. Strate se lewensondersteunende masjiene is Dinsdag afgeskakel. Haar familie het besluit om haar organe te skenk.
Sy is geskiet toe Barry West (54) en die bestuurder van die SUV naby mekaar gery het en doelbewus voor mekaar remme aangeslaan het. West het op die SUV geskiet en haar in die kop getref. Hy is in hegtenis geneem en van moord aangekla, asook van drie pogings tot moord, die onwettige gebruik van ’n vuurwapen en dwarsboming van die gereg.
West het beweer die insittendes van die SUV het eerste op hom geskiet, maar daar was geen vuurwapen of bewyse daarvan dat hulle op hom geskiet het nie.
Bronne: The Independent, New York Times, The Mirror
