Kom reën, kom wind, kom storms, maar die Kaapstad Internasionale Hokkiefees het, ten spyte van gure weer, steeds op 10 Julie op verskeie hokkievelde afgeskop. Altesaam 64 spanne (32 seuns- en 32 meisiespanne) neem deel. Spanne van so ver as Engeland neem deel. Spanne word beperk tot 48 skole wat tussen o.19-seuns en -meisies verdeel word. Die plaaslike en internasionale spanmengsel is: 25% – internasionale spanne, 20% – SA-streekspanne en 55% – Kaapstad-gebaseerde spanne.
Die toernooi word volgens die reëls van die federasie van internasionale hokkiestandaarde gespeel en bemark as die voorste o.19-skolehokkietoernooi wêreldwyd.
Op die foto probeer Kayla Swart van Windhoek Hoër vergeefs nog ‘n aanval van Paarl Gimnasium afweer. Die Gimmie meisies was net te sterk en het die Namibiërs 8 – 0 gewen. Die toernooi duur tot 14 Julie.
Foto aXnshots – Johan Maree
