Lees ook: Thabo Bester vra vir doodstraf, kla oor klere
BLOEMFONTEIN. – Thabo Bester het gister tydens sy hofverskyning ‘n tirade afgesteek waartydens hy gekla het oor sy klere, die manier waarop hy behandel word in die tronk en toe het hy vir die doodstraf gevra.
Bester en sy medebeskuldigdes, insluitend sy meisie, Nandipha Magudumana, was in die hof vir ‘n voorverhoor wat uitgestel is ná Bester se regsverteenwoordiger hom aan die saak onttrek het.
Die saak is tot 24 Julie uitgestel en Bester is beveel om ‘n nuwe regsverteenwoordiger aan te stel.
Bester het dit in sy uitbarsting gehad oor die klere wat hy moes aantrek na hy gesê is sy ontwerpersklere skep die verkeerde indruk. Hy het ook gekla dat hy nie kontak het met enigiemand behalwe sy wag in die tronk nie en dat sy oproepe afgeluister word. Daar is ook gekla oor wat die media van hom berig.
Bester het vir die doodstraf gevra en gesê sy medebeskuldigdes moet vrygelaat word. Hy het ook toe beweer “politieke magte” in “hoër kantore” het hom help ontsnap.
Bronne: IOL, Daily Voice, EWN
