WES-KAAP. – Zoe Joshua (17) en Jermica Andrews (3) van Salberau, Elsiesrivier, word deur die Bishop Lavis-eenheid vir gesinsgeweld, kinderbeskerming en seksuele misdrywe (GKS) gesoek. Die publiek word gevra om te help om hulle op te spoor.
Kapt. Frederick van Wyk, polisiewoordvoerder, sê in ‘n verklaring, volgens inligting het Zoe op 11 September die huis met die kleuter verlaat sonder om iemand in te lig. Ten tyde van hul verdwyning het Zoe ’n swart cargobroek en pienk pantoffels gedra, terwyl Jermica geklee was in ’n pienk broekie, ’n groen sweetpaktop, ’n groen T-hemp en bruin sandale.
Enigiemand met inligting oor waar die twee hulle bevind, word gevra om speur.konst. Aden Carelse by 082 522 1090 bel.
.
