Kgatlego Mere (17) se naakte liggaam is Maandag 3 Julie 2023 om ongeveer 13:45 deur ‘n verbyganger in ‘n veld naby Diepkloof, Olifantshoek, in die Noord-Kaap, gevind.
Lt.kol. Sergio Kock sê die polisie versoek die hulp van die gemeenskap vir inligting wat kan help met die ondersoek.
Die oorledene het merke aan haar gesig gehad. ‘n Nadoodse ondersoek sal gedoen word om die oorsaak van haar dood te bepaal.
Sy is die laaste keer op Vrydag 30 Junie 2023 deur haar ouers by hul huis op Olifantshoek gsien.
Enigiemand met inligting kan speurder-sersant Martin Nkatlholang by 082 302 0395 kontak.
Die polisie se ondersoek duur voort.
Kry jou nuutste nuus elke oggend per e-pos. Teken hier aan:
