VSA. – Die federale lugvaartadministrasie het bevestig die toermaatskappy waarvan die helikopter onlangs in die Hudson-rivier geval het, het onmiddellik hulle bedrywighede gestaak.
Lees ook: Ondersoke oor Hudson helikopterongeluk gaan tyd neem sê NTSB
Ses mense is Donderdag oorlede na die helikopter van New York Helicopter Tours, met al sy insittendes, neergestort het en in die Hudson-rivier beland het. ’n Spaanse familie – drie jong kinders en hulle ouers – asoook die vlieënier, het in die ongeluk omgekom.
Die federale lugvaartadministrasie het bevestig dit ondersteun die NTSB se ondersoek en hersien die toermaatskappy se lisensie en veiligheidsrekord.
Die NTSB het Sondag bevestig daar was geen vlugopnemers in die helikopter nie en geen inligting wat vir die ondersoek gebruik kan word, is opgeneem nie.
Daar word nog na dele van die helikopter gesoek.
Bronne: AOL, The Independent, Fox News
Lees ook: Ondersoke oor Hudson helikopterongeluk gaan tyd neem sê NTSB
