Lees ook: Nandipha Magudumana glo deur medegevangenes aangerand
Die dokumentêr Tracking Thabo Bester het die rekord gebreek vir die mees gekykte dokumentêr op Showmax op die eerste dag. Dit het die vorige rekordhouer, Rosemary’s Hitlist, in slegs ’n paar uur verbygesteek.
Die dokumentêr gaan oor die Facbook-verkragter, Thabo Bester, wat uit die tronk ontsnap het met sy medebeskuldigde, dr. Nandipha Magudumana.
In die dokumentêr vertel die joernaliste van GroundUp van die ondersoek wat hulle na Bester gelei het na sy “dood” in die Mangaung-gevangenis. Hulle praat oor die man wat dood is in sy sel, hoekom hy die Facebook-verkragter genoem is en hoe Magudumana saam met hom gevlug het. In die eerste episode vertel die joernaliste wat die storie gebreek het van die anonieme inligting wat hulle ontvang het dat Bester nie dood is nie. In die tweede episode is ‘n Jacaranda FM-joernalis aan die woord oor die eerste keer wat hy Bester ontmoet het.
In die dokumentêr word met Magadumana se broer gepraat, iets wat Bester en Magudumana bekommer het. Hulle het verlede week hof toe gegaan om te probeer keer dat die dokumentêr op die kassie gewys word.
Bronne: IOL, The Citizen, Jacaranda FM
Lees ook: Nandipha Magudumana glo deur medegevangenes aangerand
