VSA – Staatsmedia het bevestig dat Iran se opperleier, ajatolla Ali Khamenei (86), tydens die VSA-Israelitiese lugaanvalle dood is. Khamenei was in sy kantoor ten tye van die aanval.
Luidens ’n berig deur BBC News kom sy dood ná ’n gesamentlike lugaanval deur die VSA en Israel, wat Iran se militêre en kernverwante fasiliteite geteiken het. Khamenei is sedert 1989 Iran se opperleier.
Lees ook: VSA en Israel val Iran aan
In sy verklaring het president Trump Khamenei beskryf as “een van die boosste mense in die geskiedenis” en Irannese aangemoedig om “hul land terug te neem.” ’n Plaaslike inwoner het aan BBC Persian gesê Khamenei se dood beteken dat die “wêreld nou ’n beter plek geword het.”
Sy dood is vroeg Sondag ook deur Iran se staatsmedia bevestig en is met gemengde gevoelens begroet. Daar is vieringe in verskeie stede, terwyl ander in die strate rou.
Onsekerheid heers oor wie hom as opperleier sal opvolg. Luidens die BBC verteenwoordig Khamenei se dood ‘n groot keerpunt in Iran se politieke leierskap.
Spanning in die Midde-Ooste het verder toegeneem nadat Iran met missiel- en hommeltuigaanvalle op Israel en Amerikaanse basisse in die streek gereageer het.
Sien ook: Iran fires missiles after US and Israel attacks kill Ayatollah Ali Khamenei
Bronne: BBC News en Associated Press Reporters
