Lees ook: Donald Trump 10 Januarie gevonnis in swyggeldsaak
NEW YORK, VSA. – Donald Trump het sy vonnisoplegging, wat op 10 Januarie sal plaasvind, probeer vertraag deur die distriksprokureur en regter in die saak te probeer dagvaar.
Trump het Alvin Bragg en regter Juan Merchan probeer dagvaar oor hulle “miskenning” van sy presidensiële immuniteit en die feit dat Trump beveel is om in die hof te verskyn vir sy vonnisoplegging. Trump wou ook hê die vonnisoplegging vir sy skuldbevinding in die swyggeldsaak moet uitgestel word tot 27 Januarie, na sy inswering as president.
Die regter het sy versoek afgekeur en beslis die vonnisoplegging sal voortgaan. Merchan het verlede week bevestig hy sal nie vir Trump tronkstraf, probasie of ’n boete gee nie, maar ’n vonnis van “onvoorwaardelike ontslag” en Trump sal toegelaat word om teen die saak te appelleer.
Bronne: The Independent, ABC News, NBC New York
