GAUTENG. – Altesaam 58 openbare vervoer-voertuie is hierdie week deur die Tshwane-metropolisie tydens verskeie padveiligheidsoperasies regoor die stad geskut.
Volgens die Tshwane-metropolisie (TMPD) het die optrede gefokus op taxi’s, skoolvervoer en e-taxi’s wat nie aan die vereistes van die nasionale padverkeerswet voldoen het nie. Die departement sê dié optrede is deel van hul volgehoue pogings om wetsoortredings in die vervoerbedryf te bekamp en padgebruikers se veiligheid te verseker. Openbare vervoer-operateurs word gemaan om die wet na te kom, aangesien oortredings kan lei tot streng optrede, insluitend die skut van voertuie.
Die metropolisie het beklemtoon dat hulle sal voortgaan met soortgelyke aksies en dat daar geen verslapping in die toepassing van die wet sal wees nie.
