Lees ook: AKA-verdagtes bly in aanhouding
ESWATINI. – Twee van die verdagtes in die moord op Kiernan (AKA) Forbes en Tebello (Tibz) Motsoane verskyn vandag weer in die Manzini-landdroshof in Eswatini.
Die twee broers, Siyabonga en Malusi Ndimande, is verlede maand in Eswatini in hegtenis geneem na die SAPD ’n rooi kennisgewing volgens Interpol uitgereik het.
Hulle word aangekla van moord, poging tot moord en sameswering om moord te pleeg. Die twee mans word ook aangekla van die moorde op Mntimande Kunene, Nhlanhla Ngcobo en Zamokuhle Mkhwanazi-Ngcobo.
Hulle het te kenne gegee hulle is gewillig om aan Suid-Afrika uitgelewer te word. Die staatsaanklaer sal na verwagting binnekort die formele aansoek vir hulle uitlewering aan Suid-Afrika oorhandig.
Suid-Afrika het tot 26 Maart om die aansoek te doen, anders kan die verdagtes aansoek doen om borg.
Bronne: SABC, IOL, The Citizen
Lees ook: AKA-verdagtes bly in aanhouding
