Lees ook: Nog 2 verdagtes in Lusikisiki-slagting van moord aangekla in ander hof
LUSIKISIKI. – Twee van die Lusikisiki-verdagtes wat voorheen in die Flagstaff-landdroshof verskyn het, het gister in die Lusikisiki-landdroshof voorgekom.
Die twee, Zenande Paya en Mawethu Nomdlembu, het te kenne gegee hulle gaan aansoek doen om borg. Hulle is aanvanklik aangekla op vier aanklagtes van die onwettige besit van drie AK47’s, ‘n 243 Steyr Mannlicher en besit van 82 rondtes ammunisie.
Die verdagtes is in hegtenis geneem saam met nog vier ander verdagtes vir die dood van 18 mense in Lusikisiki.
Die ander verdagtes het hulle borgaansoeke laat vaar. Paya en Nomdlembu sal op 29 Oktober weer in die hof verskyn vir hulle borgaansoek.
Bronne: SAPD
Lees ook: Nog 2 verdagtes in Lusikisiki-slagting van moord aangekla in ander hof
