MANNHEIM, DUITSLAND – Twee mense, ’n vrou (83) en man (54), is dood toe ’n voertuig deur ’n skare in Mannheim, Duitsland geploeg het.
Lees ook: Vyf mense by Kersmark in Duitsland dood in aanval
Vyf mense is ernstig beseer en vyf het klein beserings in die voorval opgedoen. Die verdagte, ’n Duitse man (40), is ná die voorval in hegtenis geneem. Hy is nie verbonde aan terreurgroepe nie, maar toon tekens van “psigiese gesondheidprobleme”.
Die verdagte is in die hospitaal na hy homself met ’n vuurwapen geskiet het wat leë rondtes ingehad het.
Die polisie ondersoek twee sake van moord en verskeie van poging tot moord.
Bronne: BBC, The Telegraph, Sky News
