CENTURION, GAUTENG. – Twee leerlinge aan die Dayveton-vaardigheidskool het Maandagmiddag by die Hennopsrivier naby Centurion verdrink. Die seuns, tussen 13 en 16 jaar, was op ’n skooluitstappie ten tyde van hulle verdrinking.
Charles Mabaso, woordvoerder van Tshwane-nooddienste, sê hulle is rondom 15:00 ontbied. Volgens hom is die twee seuns op die toneel dood verklaar. Polisieduikers het die liggame van die seuns herwin.
Mabaso sê die seuns het aan wateraktiwiteite deelgeneem toe hulle verdrink het. Die omstandighede van die verdrinking word deur die SAPD ondersoek.
Bronne: Tshwane Emergency Serives, Die Rekord, SABC, Times Live
