KIMBERLEY – ’n Man (32) is gister in Kimberley vir ’n vermoedelike gesteelde voertuig in hegtenis geneem. Die motor is na bewering onlangs in Johannesburg gesteel.
Brig. Mohale Ramatseba, polisiewoordvoerder, sê: “Die verdagte is onlangs in besit van die Toyota Etios gevind wat vermoedelik in Johannesburg gesteel is. Die geraamde waarde van die voertuig is R150 000.”
Die verdagte is in Kimberley in hegtenis geneem en sal binnekort in die landdroshof in Kimberley verskyn.
Die ondersoek duur voort.
