GAUTENG. – Een verdagte is gister in Limpopo in hegtenis geneem vir die massaskietery wat 6 Desember by ‘n onwettige taverne plaasgevind het.
Lees ook: Polisie op soek na 3 verdagtes in naweek se massaskietery
Die Gautengse ondersoekspan vir ernstige en gewelddadige misdaad het die verdagte in hegtenis geneem nadat hy deur die Limpopo-opsporingspan op die R101 in Westenburg voorgekeer is.
‘n Ongelisensieerde wapen, wat moontlik in die skietery gebruik is, is in sy besit gekry.
Die ander twee verdagtes wat deel was van die skietery waarin 12 mense dood en 13 beseer is, word nog gesoek.
Bron: SAPD
Lees ook: Polisie op soek na 3 verdagtes in naweek se massaskietery
