GAUTENG. – ’n Verdagte (52) verskyn vandag (Donderdag) in die Protea-landdroshof nadat hy glo die Kubermisdaadwet 19 van 2020 oortree het deur vals Android TV-bokse te verkoop.
Luidens ‘n verklaring van lt.kol. Christopher Singo, Valke-woordvoerder, het die man volgens die Johannesburg-ondersoekspan die bokse met MultiChoice-inhoud gelaai en teen R2 600 per jaar aan kliënte verkoop. Op 5 November het die Valke saam met die Protea- plaaslike kriminele rekordsentrum, misdaadintelligensie en MultiChoice, ’n soek-en-beslagleggingsoperasie in Lenasia uitgevoer waartydens op Android TV-bokse, afstandbeheerders, kabels, ’n skootrekenaar, USB-stokkies en ’n selfoon beslag gelê is.
