BRASILIЁ. – Die verdagte wat glo die bomaanval vir Lady Gaga se konsert op Saterdag beplan het, is na bewering onlangs uit die VSA gedeporteer.
Lees ook: Polisie verhinder beplande terreuraanval by Lady Gaga-konsert
Volgens die Brasiliaanse polisie het Luis da Silva (44) beplan om bomme te plaas naby die verhoog waarop Lady Gaga in die Copacabana-konsert sou sing. ‘n Polisie-offisier het tydens ’n mediakonferensie beweer Da Silva het gesê Gaga is “’n Satanis en dat hy ook ’n Satanistiese ritueel gaan uitvoer deur ’n kind tydens die vertoning dood te maak”.
Da Silva het sy planne vir die bomaanval op sosiale media geplaas en die polisie kon dus betyds die aanval fnuik.
Die tiener (17) wat terselfdertyd in hegtenis geneem is, het glo nie iets met die bomkomplot te doen gehad nie. Hy het gesê hy is gevra om aanlyn proefiele te skep en haat te versprei. Die tiener is in hegtenis geneem vir die besit van kinderpornografie.
Da Silva is Maandag vrygelaat op borg na hy in hegtenis geneem is vir die onwettige besit van ’n vuurwapen.
Bronne: The Independent, Daily Mail, UNILAD
Lees ook: Polisie verhinder beplande terreuraanval by Lady Gaga-konsert
