BRASILIë. – Die Brasiliaanse polisie het gesê hulle het ’n terreuraanval wat Saterdag vir Lady Gaga se konsert op die Copacabana-strand in Rio de Janeiro beplan was, gefnuik.
Lees ook: Polisie glo nie daar was vuilspel betrokke by konstabels se dood nie
Verdagtes het sosiale media gebruik om ’n bomaanval vir Lady Gaga se konsert te beplan. ‘n Verdagte wat glo die leier van ‘n groep is wat die aanval beplan het, is in hegtenis geneem vir die onwettige besit van ’n vuurwapen in die suidelike staat Rio Grande do Sul. ‘n Tiener is in hegtenis geneem vir die besit van kinderpornografie.
Volgens die polisie is die aanval beplan deur haatspraak te versprei, veral teen kinders, tieners en die LGBTQ-gemeenskap. Die groep het glo ook tieners aangemoedig om hulself seer te maak en geweld in gekoördineerde aanvalle te pleeg.
Lady Gaga se span het gesê hulle het eers die oggend ná die konsert van die beplande aanval in die media uitgevind. Die konsert, wat gratis was, is deur meer as twee miljoen konsertgangers bygewoon. Dit was waarskynlik ‘n wêreldrekord, na ‘n konsert deur Madonna verlede jaar 1.6 miljoen mense op die strand gelok het.
Bronne: BBC, The Independent, CBS News
Lees ook: Polisie glo nie daar was vuilspel betrokke by konstabels se dood nie
