JOHANNESBURG. – Die SAPD het bevestig dat ’n verdagte vir die dood van Marius van der Merwe in hegtenis geneem is.
Lees ook: Naskom besoek Brakpan vandag nadat Madlanga-kommissiegetuie vermoor is
Die arrestasie word beskou as ’n belangrike deurbraak in die saak. Van der Merwe, ook bekend as “Getuie D” was ’n sleutelgetuie wat vroeër voor die kommissie getuig het. Hy is op op 5 Desember 2025 buite sy huis in Brakpan doodgeskiet.
Van der Merwe, ‘n voormalige lid van die Ekurhuleni-metropolisie en eienaar van ’n privaat veiligheidsmaatskappy, het voor die Madlanga-kommissie getuig oor bewerings van korrupsie en onreëlmatighede binne die strafregstelsel.
Volgens berigte is die verdagte deur ’n gespesialiseerde polisietaakspan in hegtenis geneem. Die taakmag, spesifiek saamgestel om sake wat uit die Madlanga-kommissie spruit, te ondersoek, is ingestel deur die nasionale polisiekommissaris, Fannie Masemola, in opdrag van president Cyril Ramaphosa.
Die polisie het bevestig dat die gearresteerde verdagte na verwagting Maandag in die Brakpan-landdroshof sal voorkom op aanklagte wat met die moord verband hou. Ondersoeke duur voort en owerhede het aangedui dat verdere arrestasies moontlik kan volg.
https://youtu.be/3vAcVA82-Qg?si=kxTgvLig0EEKYVEi
Die moord op Van der Merwe het groot kommer ontlok oor die veiligheid van getuies en fluitjieblasers wat korrupsie en misdaad binne staatsinstellings blootlê.
Bron: SABCNews AM Headlines @06H00 | 15 March 2026
