Lees ook: Polisie sê hulle vorder met AKA-moordondersoek
DURBAN. – Die provinsiale kommissaris van KwaZulu-Natal, lt.genl. Nhlanhla Mkhwanazi, het gereageer op gerugte oor die moorde op Kiernan “AKA” Forbes en Tebello “Tibz” Motsoane.
Twee verdagtes is onlangs in Eswatini in hegtenis geneem en sal uitgelewer word na Suid-Afrika. Verskeie mediamaatskappye het berig die verdagtes is in hegtenis geneem in verband met die moorde op Forbes en Motsoane.
Die kommissaris het gesê die twee mans is in hegtenis geneem vir die moord op ’n passasier in Berea. Hulle het die bestuurder van die voertuig probeer skiet, maar sy het oorleef en kon vlug.
Die twee verdagtes het geen verbintenis met Forbes of Motsoane nie. Volgens die kommissaris sal die families eerste in kennis gestel word en dan die media indien daar enige verwikkelinge in die saak is.
Die polisie het ook gesê die ondersoek is in ’n sensitiewe stadium en hulle wil nie enige inligting deel wat die saak kan benadeel nie.
Bronne: SAPD
