VRYSTAAT. – Beamptes van die NG-Kerk in Tumahole is Vrydag 20 Oktober 2024 deur verdagtes met ‘n vuurwapen en ‘n mes beroof. Die polisie het pas saamgestelde identikits van die gesoekte verdagtes vrygestel.
Sers. Josephine Rani sê die klaagster en die tesourier wou omstreeks 13:50 die kerkperseel verlaat toe die drie gewapende verdagtes hulle genader het. Hulle is beveel om op die stoep te lê, waarna hulle van R104 470 kontant beroof is. Die verdagtes het te voet van die toneel gevlug.
Enigiemand met relevante inligting tot die misdaad word gevra om speur. sers. André Jacobs by 082 465 3140 of 082 466 8099 te bel.
