MICHIGAN, VSA. – Minstens vyf mense is dood en agt is beseer nadat ‘n gewapende verdagte met ‘n voertuig by ‘n Mormoonse kerk ingery het, op kerkgangers geskiet het en die gebou aan die brand gesteek het. Polisiehoof William Renye het gesê verskeie mense is steeds vermis en dat die kerk nog deursoek word vir liggame ná die brand.
Lees ook: Verdagtes in aanhouding ná liggame gevind is
Die aanval het gister tydens ‘n kerkdiens by die Church of Jesus Christ of Latter-day Saints plaasgevind. Die verdagte, Thomas Jacob Sanford (40), is later deur die polisie op die parkeerterrein van die kerk doodgeskiet.
Owerhede het gesê die saak word nog ondersoek, maar dat die motief vir die aanval onduidelik is.
Bronne: BBC, NBC News, Fox News
