SAN DIEGO, VSA. – Verskeie mense is gister dood en agt is beseer toe ‘n Cessna 550 in San Diego neergestort het.
Lees ook: Ses dood in New York-vliegtuigongeluk
Dave Shapiro, ’n prominente musiekagent, is een van die oorledenes. Daniel Williams, die voormalige dromspeler van The Devil Wears Prada was glo ook op die vliegtuig. Federale owerhede het gesê die aanname is dat al ses persone in die vliegtuig omgekom het. Die persone wat beseer is, was op die grond.
’n Cessna 550 het naby die Mongomery-Gibbs Executive-lughawe in ’n buurt geval en verskeie huise en voertuie beskadig. Sowat 15 huise en verskeie voertuie het aan die brand geraak en lekkende brandstof van die wrak is steeds ’n gevaar.
Sowat 100 persone moes ná die ongeluk uit die buurt ontruim word. Reddingswerkers is steeds op soek na beseerdes.
Die Nasionale Raad vir Vervoer en Veiligheid en die Federale Lugvaartadministrasie is besig om die ongeluk te ondersoek.
Bronne: The Independent, BBC, USA Today
Lees ook: Ses dood in New York-vliegtuigongeluk
