Lees ook: DA gaan Malema by VN-menseregtehof verkla oor ‘Kill the Boer’
Die leier van die VF+ het ’n saak van intimidasie teen die EFF-leier Julius Malema gemaak na hy Kill the Boer, Kill the Farmer tydens die EFF se tienjaarvierings gesing het.
Malema is wyd veroordeel met verskeie politieke partye wat hom wil verkla. Die leier van die VF+, dr. Pieter Groenewald, het gesê hulle het ’n saak gemaak teen Malema “want dit is tyd om aksie te neem teen hom vir sy stellings”.
Groenewald het gesê Malema se sing van die lied was om geweld teen boere aan te stook. Die DA gaan die EFF, Malema en die ANC verkla by die VN se menseregtehof oor die sing van die lied.
Die gelykheidshof het verlede jaar in Augustus bevind die Kill the Boer, Kiss the Boer-lied is nie haatspraak nie en dat daar ’n plek is vir strydliedere in politiek.
Bronne: IOL, Politics Web, VN Explorer
Lees ook: DA gaan Malema by VN-menseregtehof verkla oor ‘Kill the Boer’
