CHICAGO, VSA. – Vier mense is dood en 14 is beseer in ’n verbyryskietery buite ’n nagklub in Chicago.
Lees ook: Kill Bill-akteur Michael Madsen oorlede
Die Chicago-polisie het gesê ’n donker voertuig het verby die nagklub gery en die insittendes het geskiet op mense wat buite die nagklub gestaan het.
Volgens plasings op sosiale media was mense besig om die nagklub te verlaat ná ’n albumvrystellingspartytjie vir kletsrymer Mello Buckzz.
Die polisie het gesê die voertuig het onmiddellik weggejaag en niemand is nog in hegtenis geneem nie. Twee mans, 24 en 25 jaar oud, en twee vrouens, 26 en 27 jaar oud, is op die toneel dood verklaar.
Vier mense is steeds in ‘n kritieke toestand in die hospitaal.
Die motief vir die skietery is onbekend en word ondersoek.
Bronne: BBC, New York Times, The Independent
Lees ook: Kill Bill-akteur Michael Madsen oorlede
