KURUMAN, NOORD-KAAP. – Vier witrugaasvoëls is Sondag 25 Februarie 2024 buite Kuruman vrygelaat. Die aasvoëlbewaringsorganisasie, VulPro, beskryf dit as ’n “terugkeer na vryheid” vir die aasvoëls.
Volgens VulPro is die vier aasvoëls aanvanklik gered, gerehabiliteer en van opsporingstelsels voorsien sodat hulle reis gedokumenteer kan word. Die organisasie sê elke klein poging tel om die aarde se biodiversiteit te bewaar.
Nuusflits het destyds só oor die bedreiging van witrugaasvoëls berig. In 2018 was daar slegs 3 000 broeipare in Suid-Afrika oor. Sedertdien het baie organisasies soos VulPro ingegryp om die spesie te bewaar en te rehabiliteer.
VulPro het die volgende foto’s van die vrylating gedeel:
Bronne: VulPro, Faceboook
