LIMPOPO. – Die polisie het Maandag twee voertuie en ‘n boot in die Masisi-polisiëringsgebied in ‘n operasie gekonfiskeer.
Lt.kol. Stephen Thakeng sê vier verdagtes is tydens ‘n oorgrensmisdaadoperasie in die bosse langs die Limpoporivier vir die oortreding van die immigrasiewet en hulpverlening gearresteer. Tydens die operasie is padblokkades, stop-en-deursoeking en patrollies in die gebied uitgevoer.
Die verdagtes sal na verwagting binnekort in die plaaslike landdroshof verskyn. Die ondersoek duur voort.
