GAUTENG. – Matome Chiloane, die LUR vir onderwys in die provinsie, het bewerings verwerp dat buitelandse leerlinge bo Suid-Afrikaanse leerlinge met plasings by openbare skole voorkeur kry. Altesaam 2 763 gr. 1- en gr. 8-leerlinge in die provinsie is nog nie in skole geplaas nie.
Volgens Steve Mabona, onderwyswoordvoerder, het die departement geen beleid wat dit toelaat nie en word Suid-Afrikaanse leerlinge ingevolge wetgewing en bestaande toelatingsprosesse geprioritiseer. Chiloane het voorts bygevoeg dat oortreders aan dissiplinêre stappe onderwerp sal word.
Leerlinge is weens beperkte kapasiteit by sommige skole, veral in Ekurhuleni en Johannesburg, nog nie geplaas nie. Chiloane het gesê die departement werk om beskikbare plekke te identifiseer en alle kwalifiserende leerlinge te akkommodeer.
Lees die volledige verklaring hier onder.
