NOORD-CAROLINA, VSA. – Greg Biffle, ‘n voormalige Amerikaanse bestuurder van Nascar, en sy familie is onder sewe mense wat in ‘n vliegtuigongeluk by ‘n lughawe in North Carolina oorlede is.
Lees ook: Amerikaanse regering erken skuld in Januarie-botsing tussen vliegtuig en helikopter
Biffle, sy vrou Christina, dogter Emma en seun Ryder, asook Craig Wadsworth, Dennis Dutton en Jack Dutton, is in die ongeluk oorlede.
Die Cessna C550-vliegtuig het gister neergestort terwyl dit van die Statesville-streeklughawe wou opstyg. Volgens die direkteur van die lughawe was die vliegtuig reeds aan die brand toe hy op die toneel aangekom het.
Die vliegtuig het opgestyg en was tydelik in die lug voordat dit naby die einde van die aanloopbaan neergestort het. Die Nasionale Vervoerveiligheidsraad is besig om die ongeluk te ondersoek.
Bronne: BBC, Sky News, ESPN
Lees ook: Amerikaanse regering erken skuld in Januarie-botsing tussen vliegtuig en helikopter
