NOORD-KAAP. – lt.kol. Pieter Andries Nel, wat voorheen diens as die hoof van finansiële dienste in Upington gedoen het, is Woensdag op ‘n J50-arrestasie-lasbrief deur die Valke in hegtenis geneem. Nel het glo oor ‘n tydperk meer as R1.2 miljoen van die staat in sy persoonlike bankrekening inbetaal.
DIe woordvoerder vir die Valke, lt.kol. Tebogo Thebe,sê Nel is by sy huis in Upington in hegtenis geneem. Hy was vir die goedkeuring van betalings aan diensverskaffers, asook vir verblyf- en reiskoste van polisielede binne die Upington-distrik, verantwoordelik. Daar word beweer dat Nel tussen 2022 en 2024 vals betalings van meer as R1.2 miljoen opgestel en goedgekeur het, wat in sy bankrekening inbetaal is. Die voormalige polisielid word van bedrog, geldwassery asook oortreding van die Wet op Openbare Finansiële Bestuur 1 van 1999 aangekla.
Nel het vlugtig in die Upington-landdroshof verskyn en het Donderdag formeel om borgtog aansoek gedoen.
Het jy kommentaar oor die berig? Jy kan nou aan Nuusflits lesersbriewe skryf en dalk word joune gepubliseer. Rig jou brief aan die redakteur by [email protected]
One Response
You makes your choice and you pays your price. Jammer as dit waar is maar Dan moet Hy die gevolge dra.