KWAZULU-NATAL. – ‘n Vermeende dief wat van veiligheidswagte gevlug het, is dood toe hy op die N2-hoofweg in die omgewing van Blackburn deur ‘n bakkie getref is.
Reaction Unit South Africa sê twee mans het na bewering probeer om van ‘n konstruksieperseel te steel. Veiligheidswagte het hulle aangekeer, maar hulle het losgekom en oor die hoofweg gevlug. ‘n Wit Kia-bakkie het een van die mans getref. Hy het op die toneel gesterf.
Sy makker het daarin geslaag om te ontkom. Die bestuurder van die bakkie is nie beseer nie.
