RUSLAND. – President Donald Trump se spesiale verteenwoordiger vir vredesendings, Steve Witkoff, vergader vandag met die Russiese president, Wladimir Poetin, in Moskou vir samesprekings om ‘n einde aan die voortslepende oorlog tussen Rusland en Oekraïne te probeer maak.
Lees ook: Vredesamesprekings tussen Oekraïne en Rusland gaan voort
Die vergadering sal na verwagting oor grense, veiligheidswaarborge, gevriesde Russiese bates en moontlike beleggingsprojekte tussen die VSA en Rusland gaan.
Dmitry Peskov, die woordvoerder vir die Kremlin, het bevestig Poetin sal Witkoff ontvang.
Die samesprekings in Moskou volg ná ‘n vergadering tussen Oekraïne en die VSA wat albei afvaardigings “produktief” genoem het.
Wolodomir Zelenski, Oekraïense president, het gesê Kijif se prioriteit in die vredesamesprekings is om Oekraïne se soewereniteit te behou en sterk veiligheidswaarborge te kry.
‘n Probleem met die vredesamesprekings is dat Rusland eis dat Oekraïne gebiede in die Donbas-gebied moet prysgee, maar Oekraïne weier.
Bronne: DW – South Africa, BBC, The Independent
Lees ook: Vredesamesprekings tussen Oekraïne en Rusland gaan voort
