KWAZULU-NATAL. – ‘n Vrou is verlede nag (Donderdag) beseer nadat sy in ‘n onbedekte mangat langs die pad geval het. Volgens inligting het die voorval plaasgevind nadat die vrou uit ’n taxi geklim en in die donker onbewustelik reguit in die oop gat ingeloop het. Dit is onbekend waar die voorval presies gebeur het.
Med-Evac Ambulance Service, wat in Shelley Beach gebaseer is, sê op sosiale media dié diens het vinnig gereageer en haar op die toneel behandel voordat sy na ’n plaaslike mediese fasiliteit vervoer is. Hierdie voorval beklemtoon die ernstige gevare wat oop mangate inhou, veral in swak verligte gebiede.
Owerhede en gemeenskappe word aangemoedig om oop en onveilige infrastruktuur gevare aan te meld en te beveilig om beserings te voorkom.
Het jy kommentaar oor die berig? Jy kan nou aan Nuusflits lesersbriewe skryf en dalk word joune gepubliseer. Rig jou brief aan die redakteur by [email protected]
