NOORD-KAAP. – ‘n Vrou (22) het Saterdag by Robert Mangaliso Sobukwe-hospitaal in Kimberley van ‘n balkon op die vyfde vloer na haar dood geval.
Kol. Cherelle Ehlers sê aan Nuusflits die polisie is omstreeks 14:45 van ‘n onnatuurlike sterfte by ‘n hospitaal ingelig. Met aankoms by die hospitaal was die toneel volgens rapportering reeds deur hospitaalpersoneel skoongemaak.
‘n Geregtelike doodsondersoek is deur die polisie geopen en die departement van gesondheid sal ook die insident ondersoek.
Nuusflits het kommentaar van die departement van gesondheid gevra.
