MPUMALANGA. – ‘n Vrou (54) en twee kinders, onderskeidelik 14 en 10 jaar oud, het Sondagoggend omstreeks 11:30 gesterf toe vyf voetgangers op die D2945 tussen Magudu en Mgobodzi deur ‘n Toyota-sedan getref is.
Moeti Mmusi, woordvoerder vir die departement van veiligheid, sekuriteit en skakeling, sê Jackie Macie, die LUR vir dié departement in die provinsie, het weereens motoriste gewaarsku om vir voetgangers op te let. Motoriste word tot versigtigheid gemaan, veral wanneer in beboude gebiede bestuur word.
Die voetgangers het gestap toe die motor tussen hulle ingeploeg en drie op die toneel gesterf het. Twee ander beseerde voetgangers is met ernstige beserings na ‘n nabygeleë hospitaal vervoer.
