Dit is onder die familie van Marno Muller (5) se aandag gebring dat ‘n vrou glo Marno se foto’s en inligting gebruik om geld in te samel.
‘n Persoon genaamd Jennifer Smith gebruik glo Marno se foto’s waarna sy dan sê die seun op die foto’s is “Ricardo”. Sy vra dan glo vir donasies om sy mediese onkostes te dek en verander net hier en daar aan die feite.
Die Muller-familie het die publiek gewaarsku om op die uitkyk te wees vir booswigte, en die familie self te kontak vir enige bydraes.
Volgens Marno se tannie, Nadia, is die WhatsApp-nommer van hierdie verdagte persoon aktief, maar word daar nie op hulle vrae geantwoord nie.
Die persoon se rekening is gekoppel aan ‘n Tyme-bank.
Nadia Minnie, Marno se tannie, kan by +27 78 249 1971 gekontak word.
Die rekening van Jennifer is intussen gesluit, en die plasings verwyder.
Dit is egter nie bekend of enige donasies geskenk is aan dié swendelaar, wat blyk om ‘n jong meisie op skool te wees, nie.
